जय यौद्धेय
झूठ नहीं थे जाट लुटेरे जो तारीख के पाठाँ में
लूटण खातर ताकत चाहिए जो थी बस जाटाँ में„
सोमनाथ के मंदिर का सब धरया ढका उघाड लेग्या
मोहम्मद गजनी लूट मचाकै जब सारा सौदा पाड लेग्या
हीने पन्ने कणी मणी वो चंदन के यारो किवाड लेग्या
सब समान लाद कै चाल्या जब सत्राह सौ ऊंट लिए
कोये भी ना बोला स्यामी, सबके गोड्डे टूट लिए
रस्ते में सिंध के जाटाँ नै पर सारे वो धन लूट लिए
मोहम्मद गजनी आया था बस एक जाटाँ की आटाँ में
लूटण खातिर ताकत चाहिए जो थी बस जाटाँ में
व्रज का योद्वा जाट गोकला, औरंगजेब नै मार दिया
सीकरी का वो महल फेर इन जाटाँ नै उजाड दिया
ताजमहल में लूट मचाई और सारा गुस्सा तार दिया
राजाराम जाट नै लडकै जब दिल्ली की गद्वी हिला दई
कब्र खोदकै अकबर की हाड्डी बना चिता फेर जला दई
एक चूडामन ने मुगलाँ की लई तार खाल फेर साटयाँ तै
लूटण खातिर चाहिए ताकत जो थी रै बस जाटाँ में
भरतपुर आले सूरजमल को मुगलाँ नै धोखे तैं मारा
उसका बेटा होया जवाहरसिंह जो लालकिले पै जा ललकारा
लालकिला भी जीता और लिया लूट माल भी सारा
धोखा पट्टी सीखी नहीं बस जंग में पछाड ल्याए
मुगलाँ का सिंहासन भी जाट दिल्ली तैं उखाड ल्याए
साथ में नजराना भी और किले के तार किवाड ल्याए
देशभक्ति का खून बहै सै इन जाटाँ की रै गाठाँ में
लूटण खातिर चाहिए ताकत जो थी यारो इन जाटाँ में
जाते जाते करा भगौडा वो सिकंदर भी इन जाटाँ नै
मुगल और अंग्रैजों को तो बिल्कुल ना छोडया जाटाँ नै
कलानौर की बौर काढ दी, कौल्ला भी तोडया जाटाँ नै
जलालत की जिंदगी नहीं गंवारा स यारो इन जाटाँ नै
जिसनै न्यौंदा घाल्या उसका ना राख्या उधारा जाटाँ नै
पृथ्वीराज का कातिल मोहम्मद गौरी मारा इन जाटाँ नै
बेसक दुनिया जलती रह पर कमी नहीं जाटाँ के ठाठाँ में
लूटण खातिर रै चाहिए ताकत जो थी बस इन जाटाँ में।।
Comments
Post a Comment